SAHAR

Cənubi Koreyada hərbi bir mənbə iddia edib ki, bu ölkə Koreya yarımadasında yeni bir savaşın baş verəcəyi halda, Şimali Koreyanın hərbi qüdrətini necə zərərsizləşdirməyi bilir.

Cənubi Koreyanın bu rəsmisi iddia edib ki, Pxenyanın kütləvi qırğın silahlarının genişlənməsilə mübarizə aparmaq üçün qrafit bombası düzəltmək və Şimali Koreyanın elektrik təsisatları və stansiyalarını dağıtmaqla Pxenyanın hərbi qüdrətini zərərsizləşdirə bilər.

Qrafit bombası qeyri-öldürücü bir bomba növüdür ki, bir növ kömür olan qrafit maddəsindən istifadə ilə elektrik təsisatları və xətlərinin fəaliyyətini dayandıra bilir.

Qeyd edək ki, ABŞ ordusu Kosovo savaşında ilk dəfə olaraq, bu bombadan istifadə etdi və bir hücumda Yuqoslaviya ərazisinin üçdə iki hissəsini qaranlığa bürüyə bildi.

Adının gizli qalmasını istəmiş bu Cənubi Koreyalı hərbi mənbənin sözləri elə bir halda söylənir ki, Koreya yarımadasında gərginliklər Tad raket sisteminin bölgədə yerləşdirilməsinin ardınca artıbdır.