ABŞ dövlət katibi Reks Tillerson cümə axşamı günü etiraf edib ki, Qətəri mühasirəyə alan ölkələr bu ölkə ilə böhranın davam etməsində məsuliyyət daşıyırlar.

Tillerson Bloomberglə müsahibədə deyib: Aydındır ki, Qətərin müzakirəyə marağı vardır. Lakin bu böhranın həlli məqsədilə Qətərlə müzakirə üçün dörd ölkə tərəfindən iradə və maraq yoxdur. 

ABŞ dövlət katibi 20-27 oktyabrda Səudiyyə Ərəbistanı, Qətər və regionun bir neçə ölkəsinə səfər etməlidir. 

Səudiyyə Ərəbistanı, Birləşmiş Ərəb Əmirlikləri, Bəhreyn və Misir 5 iyundan qətərin terrorizmi himayə etməsi bəhanəsi ilə bu ölkə ilə əlaqələrini kəsiblər və qətərlə quru, dəniz və hava keçidlərinin hamısını bağlayıblar.