SAHAR

BMT-nin baş katibi qeyri-münasib beynəlxalq hadisələr barədə nigarançılıq edərək, qırmızı xəbərdarlıq veribdir.

BMT-nin baş katibi Antonio Quterreş yeni milad ili müraciətində deyib: Yeni milad ili mübarək. Mən bir il bundan öncə bu vəzifəyə təyin olunarkən istəyim bu idi ki, 2017-ci il sülh ili olsun, amma təəssüflə, dünya əsaslı şəkildə tamamilə bu istiqamətin əksinə hərəkət etdi. Mən 2018-ci ilin ilk günündə daha istək irəli sürmürəm, əksinə xəbərdarlıq edirəm; dünya üçün qırmızı xəbərdarlıq. Toqquşmalar artıb və yeni təhlükələr yaranıbdır. Nüvə silahları barədə beynəlxalq nigarançılıqlar hazırda soyuq müharibə dövründən bəri özünün ən yüksək səviyyəsinə çatıbdır. İqlim dəyişiklikləri bizdən daha sürətlə cərəyan edir. Bərabərsizliklər artmaqdadır, insan haqlarının pozulması barədə dəhşətli halların şahidiyik. Millətçilik və antisemitizm artmaqdadır. Mən 2018-ci ilə başlayarkən birlik istəyirəm. Mən həqiqətən inanıram ki, öz dünyamızı daha əmin-aman və təhlükəsiz edə bilərik. Toqquşmaları həll edə, nifrətə qalib gələ və ortaq dəyərləri müdafiə edə bilərik. Lakin yalnız birlikdə bunları nəticəyə çatdıra bilərik. Mən dünya liderlərindən istəyirəm ki, yeni il üçün qətiyyətli qərar çıxarsınlar. Məsafələri azaltsınlar, ixtilafları aradan qaldırsınlar, insanları bir hədəf ətrafında bir araya gətirərək, etimad yaratsınlar. Birlik, yolun cəhətidir. Gələcəyimiz ondan asılıdır. Sizin üçün 2018-ci ildə sağlamlıq və sülh arzu edirəm. Minnətdaram.