General Xəlifə Həftərin başçılıq etdiyi Liviya Milli Ordusu adlanan qüvvələr ölkənin şərqində Dərnə şəhərinin 75%-ə nəzarəti ələ keçirib.

Rusiya əl-Youm televiziyasının məlumatına görə, Liviya Milli Ordusunun sözçüsü Əhməd əl-Məsmari Benqazi şəhərində bir mətbuat konfransında bildirib: Xəlifə Həftər qüvvələri Dərnə şəhərinin dörddə üçündən çoxunu öz nəzarətinə götürüb.

Əl-Məsmari Dərnə şəhəri sakinlərindən Həftər qüvvələrinin əməliyyatını sadələşdirmək üçün qarşıdurma bölgələrindən uzaqlaşmalarını istəyib.

Liviya Milli Ordusunun sözçüsü əlavə edib: Dərnə şəhəri sakinləri və onların əmlakı Xəlifə Həftər qüvvələrinin dəstəyi ilə təhlükəsizlikdədir.