İnsan haqları qruplarının Fransanın Havr limanında silah yükləməsinə mane olduqları ərəbistana aid bir gəmi bu gün İtaliyanın Genuya limanına daxil olub.

APTN telekanalının məlumatına görə, etirazçılardan ibarət kiçik bir qrup bu limana toplaşıb. Onların əllərində üzərlərində "Savaşa yox!" şüarı yazılmış plakatlar var.

Cümə günü insan haqları qrupları "Bəhri Yanbu" gəmisinin Fransanın Havr limanında silah yükləməsinə mane olmuşdular, zira belə bir nigarançılıq vardır ki, ərəbistan  bu silahlardan Yəmən savaşında sivillərə qarşı istifadə edəcək.

Antverpendə yüklənmiş ayrıca bir silah yükünü daşıyan bu gəmi bundan qabaq İspaniyanın Santander limanına yan almışdı.