ABŞ-da COVID-19-a yoluxanların sayı 1 milyon 484 min nəfəri keçib
Amerikada xəstəliklərə nəzarət mərkəzi bildirib ki, iki həftə sonra ABŞ-da COVİD-19-dan ölənlərin sayı 100 min nəfəri keçəcəkdir.
Indiyədək Amerikada bir milyon 484 min 285 nəfər koronavirusa yoluxubdur ki, bu miqdardan 326 min 242 nəfər sağalıbdır. Bu arada 88 min 507 nəfər də vəfat edib, 16139 nəfərin vəziyyəti də ağır elan olunubdur.
SəharAzəri CNN telekanalının verdiyi məlumata istinadən xəbər verir, Amerikada aparılan araşdırmalar göstərir ki, azı 48 ştat koronavirus xəstəliyinə görə tətbiq olunmuş məhdudiyyətləri nisbi şəkildə yumşaldıb və iqtisadi fəaliyyətləri yenidən açıbdır. Lakin bu xəstəlik Amerikada qurban almaqda davam edir.
Amerikada xəstəliklərə nəzarət mərkəzi proqnoz edibdir ki, iyun ayının birinədək ABŞ-da COVİD-19-dan ölənlərin sayı 100 min nəfəri keçəcəkdir.
Bu xəbərdarlıqlara rəğmən, koronavirus xəstəliyinə görə tətbiq olunmuş məhdudiyyətlərin azaldılması və iqtisadi fəaliyyətlərin yenidən açılması ilə bağlı təzyiqlər davam edir.
