Obama Avropa Birliyini aşağılamaqda ittiham olunub
ABŞ-ın keçmiş dövlət başçısı Barak Obama siyasi memuarlarının nəşr olunduğu “Vəd edilmiş torpaq” kitabında Avropa Birliyini "aşağılamaq"da günahlandırılıb.
SəhərAzəri Axar-a istinadla xəbər verir, bu barədə “Deyli Ekspress” qəzeti məlumat yayıb.
Obama kitabında qeyd edib ki, 2008-ci ildə baş verən maliyyə böhranından sonra Yunanıstanın borc krizisi yaşaması Avropanın on illərdir davam edən inteqrasiya yolunda həll olunmamış problemləri üzə çıxardı.
“Yunan siyasətçilərinin vəziyyətdən çıxış yolu yox idi, çünki Avrozonaya üzv olmaq ölkəni pul siyasəti sahəsində elastikliyindən məhrum edib”, - Obama kitabında qeyd edib.
Obama, həmçinin Merkel və Sarkozinin "seçicilərini əcnəbiləri iflasdan qurtarmağın zəruriliyinə inandırmaq" problemi ilə üz-üzə qaldıqlarını yazıb. Qeyd edib ki, bu, Avrozonaya inamı azaltdı və bunun izləri indi də görünür.
