Rusiyada koronavirus əleyhinə üçüncü peyvənd qeydiyyatdan keçib
Fev 20, 2021 12:58 Asia/Baku
Rusiyada yeni növ koronavirus (COVID-19) infeksiyasına qarşı üçüncü vaksin qeydiyyatdan keçib.
SəhərAzəri xəbər verir, “Kovivak” adlandırılan vaksin Çumakov adına Mərkəz tərəfindən işlənib hazırlanıb.
Koronavirusa qarşı “Kovivak” peyvəndinin qeydiyyatdan keçdiyini baş nazir Mixail Mişustin açıqlayıb.
Qeyd olunub ki, ilk 120 min doza vaksin mart ayının ortalarında dövriyyəyə buraxılacaq.
Xatırladaq ki, Rusiyada “Sputnik V” adlanan ilk peyvənd ötən ilin avqustunda qeydiyyatdan keçib. Bundan sonra koronavirus əleyhinə ikinci "EpiVacCorona" peyvəndi qeydiyyata alınıb.
