UNESCO-nun saytında yerləşdirilən “Dünya Su Hesabatı”na görə, bəşəriyyət 10 ildən az bir müddətdə qlobal su çatışmazlığı təhlükəsi ilə qarşılaşacaq.

SəhərAzəri  Deyerler.org-a istinadla  xəbər verir ki, mütəxəssislərin təxminlərinə görə, su qıtlığı 2030-cu ildə 40%-ə qalxacaq, digər qlobal problemlər vəziyyəti daha da pisləşdirəcək. Sənəddə deyildiyi kimi, KOVİD-19 epidemiyasının yaratdığı qlobal böhran su təchizatı problemini daha da qabarıq göstərdi, bu gün iki milyarddan çox insanın təmiz suya birbaşa çıxışı yoxdur. Bu sayın məhdud su mənbələri və ətraf mühitin çirklənməsi səbəbindən 2050-ci ilə qədər artacağı gözlənilir.

 Məruzənin memarları, müasir dünyada su ehtiyatlarının qorunması üçün kifayət qədər səy göstərilmədiyinə inanırlar. Bu səbəblə UNESCO, suyun yalnız bazar dəyərini deyil, həm də su ehtiyatlarının paylanmasının potensial faydalarını nəzərə alan modelin hazırlanmasına çağırır.