Rusiya Ukraynanın itkilərini açıqladı
Ukraynanın 2500 hərbi obyekti dağıdılıb
Rusiyanın Müdafiə Nazirliyi Ukraynada 2500-ə yaxın hərbi infrastruktur obyektin məhv edildiyini bildirib.
SəhərAzəri-nin məlumatına əsasən, Rusiya Müdafiə Nazirliyinin rəsmi nümayəndəsi general-mayor İqor Konaşenkov deyib ki, əməliyyat zamanı ümumilikdə Ukraynanın 2 4 82 hərbi infrastruktur obyekti məhv edilib. Onların arasında Ukrayna silahlı qüvvələrinin 87 komanda məntəqəsi və rabitə mərkəzi, 12 4 S-300, "Buk M-1" və "Osa" zenit-raket kompleksləri, həmçinin 79 radar stansiyası var.
O qeyd edib ki, “866 tank və digər zirehli döyüş maşını, 91 reaktiv yaylım atəşi sistemi, 317 səhra artilleriya qurğusu və minaatan, 634 ədəd xüsusi təyinatlı hərbi texnika, o cümlədən 81 pilotsuz uçuş aparatı” da sıradan çıxarılıb.
Bundan başqa Konaşenkovun sözlərinə görə bir gündə Rusiya Aerokosmik Qüvvələri Ukraynada 158 hərbi obyekti məhv edib.
Rusiyalı general iddia edib ki, Rusiya Aerokosmik Qüvvələrinin qırıcı təyyarələri Ukrayna Hərbi Hava Qüvvələrinə məxsus iki MiQ-29 və bir Su-27 təyyarəsini isə havada vurub.
