Diplomat xəbərdarlıq etdi
Rusiya ilə ABŞ arasında birbaşa hərbi qarşıdurma ola bilər
Qərb ölkələrinin Ukraynadakı xüsusi əməliyyat fonunda hərəkətləri təhlükəli və təxribat xarakterlidir. Belə bir bəyanatla Rusiyanın ABŞ-dakı səfiri Anatoli Antonov Newsweek-ə müsahibəsində çıxış edib.
SəhərAzəri-nin məlumatına əsasən, diplomat deyib ki, bu, Rusiya ilə ABŞ arasında birbaşa hərbi qarşıdurmaya səbəb ola bilər: “Qərb dövlətləri cari hadisələrdə birbaşa iştirak edir, çünki onlar Ukraynanı silah və sursatla təmin etməkdə davam edir və bununla da daha çox qan tökülməsinə səbəb olurlar".
Səfir onu da qeyd edib ki, “Minsk razılaşmalarının ölümü” sürətli hərbiləşmə yolunu seçmiş Kiyev rejiminin millətçi çılğınlığının və revanşist hisslərinin nəticəsidir. NATO ölkələri isə Zelenskinin nüvə silahı əldə etmək planlarını açıqladığı zaman Ukraynanın silahlarla dolu hərbi inkişafına başladılar.
"Biz xəbərdarlıq edirik ki, bu cür hərəkətlər təhlükəli və təxribat xarakterlidir, çünki onlar dövlətimizə qarşı yönəlib", - deyə Antonov vurğulayıb.
Onun fikrincə, bütün bunlar ABŞ və Rusiyanı birbaşa hərbi qarşıdurma yoluna çıxara bilər. Çünki Ukrayna ərazisində istənilən silah və hərbi texnika təchizatı, nəqliyyat karvanları Rusiya Silahlı Qüvvələri üçün qanuni hərbi hədəf olacaq.
