SAHAR

Avropa İttifaqı diplomatları bloka üzv ölkələrin ilin sonuna qədər Rusiyadan neft idxalını dayandırmaq niyyətində olduqlarını bildiriblər.

SəhərAzəri-nin məlumatına əsasən, Rusiyanın Ukraynaya hərbi hücumu başlayandan bəri ABŞ və onun müttəfiqləri Rusiyaya qarşı sanksiyaları və təzyiqləri kəskin şəkildə artırıblar.

Avropa İttifaqı Ukraynada müharibə başlayandan bəri Rusiyaya qarşı bir neçə ağır sanksiya paketi tətbiq edib və Rusiyanın enerji sektoruna embarqoya qədər irəliləyib; Lakin bəzi üzv dövlətlərin qarşı çıxması səbəbindən bunu edə bilməyib.

Qərb ölkələrinin Rusiyaya qarşı hərəkətləri elə bir haldadır ki, Qərb bütün bu tədbirlərə rəğmən Rusiyanın iqtisadi sektorlarına, xüsusilə də neft və qaz sektoruna qarşı sanksiyaların gücləndirilməsinin Avropada və qlobal enerji bazarlarında iqtisadi vəziyyəti daha da qeyri-sabitləşdirəcəyindən ehtiyat edir.

Avropa ölkələrində anti-Rusiya siyasətlərinin davam etdirilməsi Avropanın daxili təhlükəsizliyini də risk altında qoyub.

Röyters-in məlumatına görə, Avropa İttifaqının iki diplomatı ötən həftə sonu Avropa Komissiyası ilə Avropa İttifaqına üzv ölkələr arasında danışıqlardan sonra bildiriblər ki, Avropa İttifaqı ilin sonuna qədər Rusiya neftinin idxalına qadağa qoyulmasına meyllidir.

Avropa İttifaqı Rusiyanın Ukraynaya hərbi hücumu bəhanəsi ilə Rusiyaya qarşı altıncı sanksiyalar paketini hazırlayır.

Paketin Rusiya nefti, Rusiya və Belarus bankları, eləcə də daha çox fiziki şəxs və şirkətləri hədəf alacağı gözlənilir.

Aİ-nin reaksiyasını koordinasiya edən Komissiya,  Aİ səfirlərinin çərşənbə günü Brüsseldə keçiriləcək görüşündən əvvəl növbəti sanksiyalar paketini hazırlamaq üçün ötən həftə sonu Aİ ölkələrinin kiçik qrupları ilə danışıqlar aparıb.

Aİ-nin enerji nazirləri də problemi müzakirə etmək üçün bazar ertəsi Belçika paytaxtında görüşməlidirlər.

Aİ diplomatları bəzi Aİ ölkələrinin 2022-ci ilin sonundan əvvəl neftdən istifadəni dayandıra bildiklərini, lakin digərlərinin, xüsusən də daha cənublu üzvlərin qiymətlərə təsirindən narahat olduqlarını söyləyiblər.

Rusiya Avropanın ən böyük neft tədarükçüsüdür və 2020-ci ildə Avropa İttifaqının neft tələbatının 26 faizini təmin edib.