Pekin Vaşinqtondan Çinin daxili işlərinə qarışmamağı tələb edib.

SəhərAzəri-nin məlumatına əsasən, Çinin xarici işlər naziri Van İ ABŞ-ın digər ölkələrə qarşı sanksiyalar tətbiq etmək hüququna malik olmadığını və dünya polisi rolunu oynamaq üçün lazımi səlahiyyətə malik olmadığını bildirib.

Van İ həmçinin ABŞ-ı Çinin daxili işlərinə qarışmaq və bu ölkənin sabitliyini pozmaq üçün insan haqlarından istifadə etməyi dayandırmağa çağırıb.

Qeyd edək ki, ABŞ-ın Çindəki səfiri bu yaxınlarda bəyan edib ki, Vaşinqton Çinin Honq-Konq, Tibet və Sincanda Ümumdünya İnsan Haqları Bəyannaməsinə əməl etməməsindən dərin narahatdır.