Ukraynanın Avropa Birliyinə qoşulması yaxın gələcəkdə baş tutmayacaq
Avropa Parlamentinin vitse-prezidenti bildirib ki, Ukraynanın Avropa İttifaqına üzv olması yaxın gələcəkdə baş verməyəcək.
SəhərAzəri-nin məlumatına əsasən, Avropa Parlamentinin vitse-prezidenti Katarina Barley Ukraynanın yaxın gələcəkdə Avropa İttifaqına daxil olması ehtimalını rədd edib.
"Ukraynaya sürətlə Avropa Birliyinə üzv olmaq üçün namizəd statusunun verilməsi tamamilə qeyri-adi hadisə idi", - deyə Katarina Barley bildirib.
Barley əlavə edib: "Ukrayna Avropa İttifaqına üzvlük üçün digər namizədlərin bütün şərtlərini yerinə yetirməlidir. Bu şərtlərə hüquqi, iqtisadi və siyasi meyarlar daxildir. Amma bütün bu üç sahədə Ukrayna lazım olandan uzaqdır".
Bu elə bir haldadır ki, ABŞ Dəniz Piyadaları Korpusunun təqaüdçü kəşfiyyat zabiti Skott Ritter bir müsahibədə bildirib ki, Vaşinqton Ukraynaya tanklar verməklə Kiyevə dəstək görüntüsü yaradır və reputasiyasını qorumağa çalışır.
ABŞ Ordusunun təqaüdçü zabiti Abrams tanklarının tədarükünü sadəcə olaraq, siyasi örtük hesab edib.
"Artıq hamı Ukraynanın məğlubiyyətinin qaçılmaz olduğunu başa düşür. ABŞ Prezidenti Co Bayden hər şeyi bilir, Müdafiə Naziri Lloyd Austin və Sullivan da hər şeyi bilirlər. Onlar hər şeyin bitdiyini çox yaxşı bilirlər, ona görə də Amerika xalqının gözünün içinə baxıb Ukraynaya kömək etmək üçün əllərindən gələni etdiklərini söyləmək üçün imkan yaradırlar, lakin bu kifayət etmir", - deyə Ritter bildirib.
Skott Ritterin sözlərinə görə, ABŞ rəsmiləri öz passivliyini ört-basdır etmək üçün Rusiyanı Amerika xalqına qorxulu göstərməyə çalışırlar.
O, vurğulayıb: "Biz əslində Ukraynaya kömək etməyə çalışmırıq. Biz Ukraynanı və Ukrayna ordusunu öz məqsədlərimizə qurban verdik".
Son məlumata əsasən, Rusiya Müdafiə Nazirliyi bu gün son 24 saat ərzində 200-ə yaxın Ukrayna hərbçisinin öldürüldüyünü və bu ölkə ordusunun onlarla silah-sursatının məhv edildiyini açıqlayıb.
