Putin ABŞ-a Almaniyada raket yerləşdirməsi ilə bağlı xəbərdarlıq edib
“Rusiya analoji tədbirlər görəcək”
Putin bəyan edib ki, Rusiya ABŞ-ın və onun peyklərinin Avropada və dünyanın digər regionlarında hərəkətlərini nəzərə alaraq orta və yaxın mənzilli raketlərin yerləşdirilməsindən ötrü güzgü tədbirləri görəcək.
Rusiya prezidenti Vladimir Putin Sankt-Peterburqda Hərbi Dəniz Qüvvələri Günü şərəfinə keçirilən dəniz paradında qeyd edib: “Almaniyada ABŞ raketlərinin peyda olacağı təqdirdə Rusiya özünü orta və yaxın mənzilli raketlərin yerləşdirilməsinə moratoriumdan azad hesab edəcək”.
Xatırladaq ki, ABŞ hakimiyyəti 2026-cı ildən Almaniyada yeni uzaqmənzilli atıcı silahlar yerləşdirməyə hazır olduqlarını açıqlamışdı.
Rusiyanın xarici işlər naziri Sergey Lavrov Almaniyanın ABŞ raketlərinə ev sahibliyi etmək qərarını alçaqlıq adlandırıb.
