ABŞ işğalçı İsrailin müharibə cinayətlərinə bəraət qazandırır
Tramp beynəlxalq məhkəməyə sanksiya tətbiq etdi - AKTUAL
ABŞ prezidenti Donald Tramp cəngəllik qanununu rəhbər tutaraq Birləşmiş Ştatlara və qaniçən İsrail rejiminə qarşı istintaq başladan Beynəlxalq Cinayət Məhkəməsinin (BCM) rəsmilərinə sanksiyalar tətbiq edən fərman imzalayıb.
Fevralın 6-da imzalanmış fərmanda Haaqa məhkəməsinin ABŞ və onun müttəfiqi - İsrailə qarşı guya "qeyri-legitim və əsassız" addımlar atdığı iddia olunub.
Sanksiyalar BCM rəsmilərinin, əməkdaşlarının və onların ailə üzvlərinin ABŞ-yə girişini qadağan edir və bu ölkənin yurisdiksiyasında olan aktivlərini dondurur. Sanksiyalar həmçinin məhkəmənin istintaqına yardım edən şəxslərə də şamil olunur.
Trampın bu fərmanı Haaqa məhkəməsinin haqqında həbs orderi çıxardığı İsrail baş naziri Benyamin Netanyahunun Ağ Evdəki görüşündən bir neçə gün sonraya təsadüf edir.
Qeyd edək ki, bir çox ölkə Qəzzədə müharibə cinayətləri törətmiş Benyamin Netanyahu və sionist rejimin keçmiş hərb naziri Yoav Qallantı həbs edib beynəlxalq məhkəməyə təslim etməyə hazır olduqlarını bildiriblər, bəzi ölkələr isə İsrailə qarşı şikayətə qoşularaq istintaqa kömək edirlər. Ona görə də dünya dövlətləri və Haaqa Məhkəməsinin qərardan geri çəkilməsi inandırıcı deyildir.
Tramp 2020-ci ildə, birinci prezidentlik dövründə BCM-nin ozamankı prokuroru Fatu Bensuda və digər yüksəkvəzifəli rəsmilərinə qarşı maliyyə sanksiyaları və viza qadağası tətbiq etmişdi. Bu addım Bensudanın ABŞ hərbçilərinin Əfqanıstanda hərbi cinayətlər törətməsi ilə bağlı istintaqa başlamasından sonra atılmışdı.
