BCM-dən ABŞ-ın sanksiyalarına reaksiya
ABŞ hökumətinin Beynəlxalq Cinayət Məhkəməsinə sanksiyalar tətbiq etməsinin ardınca bu məhkəmə həmin sanksiyaları pisləyib və ədaləti bərqərar etməyə davam edəcəyini bildirib.
«Qardian» qəzeti bu haqda belə yazıb: Beynəlxalq Cinayət Məhkəməsi vurğulayıbdır ki, bütün dünyada ədalət və ümidi icra etməyi davam etdirəcək.
Məhkəmə ona üzv 125 dövləti ədalət və insan hüquqları üçün müttəfiq qalmağa çağırıb.
Beynəlxalq Cinayət Məhkəməsinin bəyanatında deyilir: Məhkəmə bütün dünyada zülm qurbanlarından milyonlarla nəfərin haqqında ədalətin icrası istiqamətində möhkəm dayanıb və öz işçilərini tamamilə himayə edəcək.
«Qardian» qəzeti sonra belə yazıb: Tramp dünən Beynəlxalq Cinayət Məhkəməsini əsassız və qanunsuz araşdırmalarla Amerikanı və onun müttəfiqi olan İsraili hədəfləməkdə ittiham etdi.
ABŞ prezidentinin göstərişinə əsasən, bu beynəlxalq məhkəmənin Amerikada olan əmlakı müsadirə olunacaq. Bundan başqa, məhkəmənin başçıları və işçilərinin, eləcə də onların ailə üzvlərinin, həmçinin məhkəmənin araşdırmalarına kömək edən hər bir şəxsin Amerikaya səfər etmələri qadağan olunur.
Trampın dünyanın ən yüksək məhkəmə orqanına qarşı hərəkəti geniş beynəlxalq reaksiyalar dalğasına səbəb olub. Lakin bu xəbərin yayıldığı anadək İngiltərə hökuməti və həmin ölkənin başçıları Trampın ən yüksək beynəlxalq məhkəmə orqanına qarşı addımına reaksiya verməyiblər.
