İran və Pakistan dəniz qüvvələrinin əməkdaşlığı genişlənir
İran İslam Respublikası Ordusunun və Pakistanın dəniz qüvvələrinin komandanları iki ölkənin dənizçilik təhlükəsizliyi sahəsindəki koordinasiyalar səviyyəsindən əminlik ifadə ediblər. Onlar müxtəlif sahələrdə yeni həmkarlıq imkanlarının açılmasını istəyiblər.
İran İslam Respublikası Ordusunun dəniz qüvvələrinin komandanı kontr-admiral Şəhram İrani Pakistanın Kəraçi liman şəhərindən baxışının davamında və Əman-25 adlı transmilli hərbi təlimlərin kənarında Pakistan dəniz qüvvələrinin komandanı vitse-admiral Nəvid Əşrəflə görüşüb.
Pakistanın hökuməti və dəniz qüvvələrinin ev sahibliyinə görə təşəkkür edən iranlı kontr-admiral sözügedən beynəlxalq təlimlərin keçirilməsi prosesini yüksək qiymətləndirib.
İran İslam Respublikası Ordusunun dəniz qüvvələri Pakistanla yaxın əlaqələrin önəmi istiqamətində özünün Cəmaran tipli ən mühüm esmineslərindən birini bu təlimlərə göndərib- deyən kontr-admiral İrani Pakistan eskadronunun son vaxtlar İranın Bəndər-Abbas limanında olmasına işarə edib, iki dəniz qüvvəsinin müxtəlif sahələrdəki mübadilələrinin artırılması vacibliyini vurğulayıb.
İranlı kontr-admiral belə deyib: Beynəlxalq və regional hadisələr tələb edir ki, region ölkələri, xüsusən də İran və Pakistan birgə təhdidlərlə mübarizə üçün qarşılıqlı əməkdaşlıqları gücləndirib, bir-birilərinin imkanlarından istifadə etsinlər.
İran İslam Respublikası Ordusunun dəniz qüvvələrinin Pakistanda keçirilən Əman-25 hərbi dəniz təlimlərindəki əməliyyat iştirakını yüksək dəyərləndirən Pakistan dəniz qüvvələrinin komandanı belə söyləyib: Pakistan İranla əlaqələrinə böyük əhəmiyyət verir. Biz İran ordusunun dəniz qüvvələrindəki dostlarımızla əməkdaşlıqları genişləndirmək istəyirik.
İran İslam Respublikası Ordusunun və Pakistanın dəniz qüvvələrinin komandanları bu görüşdə son regional və beynəlxalq hadisələri, həmçinin iki dəniz qüvvəsinin qarşısında duran anlaşma və münasibətləri nəzərdən keçiriblər.
İran İslam Respublikası Ordusunun dəniz qüvvələrinin komandanı və İranın hərbi nümayəndə heyətinin üzvləri bu gün həmçinin beynəlxalq Əman danışıqları konfransının ikinci günündə iştirak ediblər.
