SAHAR

ABŞ prezidenti Donald Tramp maliyyəçi Cefri Epşteynin işi ətrafında yaranmış qalmaqalla bağlı administrasiyasının hərəkətlərindən narazılığını bildirib.

"The Washington Post" qəzeti bu barədə xəbər verir: “Dövlət başçısı Epşteynin sənədlərinə ictimai marağın öz-özünə sönəcəyinə ümid edən hökumət üzvləri arasında yol verilən səhvlərdən və dəqiq davranış xəttinin olmamasından əsəbiləşib. Mənbələrdən biri nəşrə bildirib ki, bu cür problemlər Trampın komandasında mümkün kadr yenilənməsinə səbəb ola bilər, başqa bir mənbə isə bunun əksini iddia edərək, işdən çıxarılma ehtimalının az olduğunu iddia edir.

Mənbələrdən biri izah edib ki, işdən çıxarılma yaranmış problemi daha da gücləndirəcək.

Xüsusi diqqət Florida ştatının baş prokuroru Pem Bondiyə yetirilir, o, dəfələrlə Epşteynin işi ilə bağlı materialları ictimaiyyətə çatdırmaq niyyətində olduğunu bəyan edib, lakin o özü əlavə məlumat dərc etməkdən çəkinməyi tövsiyə edən sənədin hazırlanmasında iştirak edib. İctimai maraq artdıqca, Tramp şəxsən ondan əvvəllər məxfi sənədləri açıqlamasını tələb edib.

Keçmiş Ədliyyə Departamentinin rəsmisi və Corc Vaşinqton Universitetinin Hüquq fakültəsinin professoru Stiven Saltzberq hadisələrin gedişatını şərh edərək, hökumətin ictimai qəzəbin miqyasını lazımınca qiymətləndirməkdə səhv etdiyini bildirib.

Xatırladaq ki, seks alverində ittiham olunan milyarder Cefri Epşteynlə münasibətdə olmaq ittihamları qarşısında ABŞ prezidenti Donald Tramp ciddi skandalla üzləşib.

Daxil olan məlumata əsasən, Ağ Evin sahibi Epşteyn məsələsindən canını qurtarmaq üçün hələlik iki yanaşmadan istifadə edib: inkar və ictimai rəyi yayındırmaq. Lakin ekspertlərin fikrincə, bu qalmaqal son nəticədə onun prezidentliyini zəiflədərək məhv edilməsinə gətirib çıxara bilər.

Yayılan sənədlərə əsasən, ABŞ Prezidenti Donald Tramp və keçmiş maliyyəçi Cefri Epşteynın azyaşlı qızlarla qumarxanaya getdikləri sübut olunur.