Misirə qarşı Beynəlxalq Cinayət Məhkəməsinə şikayət verilib
Misir prezidenti və bu ölkənin yüksək səviyyəli rəsmilərinə qarşı Qəzzə əhalisinin ac saxlanılmasında iştirak ittihamı ilə Beynəlxalq Cinayət Məhkəməsinə şikayət edilib.
İspaniyanın Madriddə yerləşən bir hüquq institutu beynəlxalq fəallar və insan haqları təşkilatları koordinasiya qrupu tərəfindən Misir prezidenti Əbdülfəttah əs-Sisi və bir sıra yüksək vəzifəli Misir rəsmilərinə qarşı Qəzzə zolağının əhalisinin “sistemli aclıqdan öldürülməsində” şərik olmaq ittihamı ilə Beynəlxalq Cinayət Məhkəməsinə rəsmi şikayət verib. Bu hərəkət, Roma Statutunun 8(2)(b)(xxv) maddəsinə əsasən hərbi cinayət hesab olunur.
Şikayət, BMT və beynəlxalq təşkilatların sahə sübutları və hesabatları ilə dəstəklənir və bu, Misir hakimiyyətinin humanitar yardım üçün Rəfəh sərhəd keçid məntəqəsini açmaqdan qəsdən imtina etdiyini göstərir. Halbuki, hüquqi və əməli baxımdan bunu etmək iqtidarında idi. Bu, iki milyondan çox fələstinlinin şiddətli aclıq, səhiyyə xidmətlərinin çatışmazlığı və su böhranı ilə üzləşdiyi bir vaxtda baş verib.
