İranlı alpinist Everest dağını fəth edib
Koronavirusun yayılması və Everest dağında əsas kampların böhranlı şəraitini nəzərə alaraq, iranlı alpinist Əmin Dehqan Everest dağını fəth etməyə müvəffəq olub.
SəhərAzəri-nin məlumatına əsasən, Əmin Dehqan Himalay dağına çıxan qrupda İranın yeganə təmsilçisi olaraq, Everest zirvəsini fəth edib.
Əldə edilən məlumata görə, 50-dən çox xarici alpinist Everest zirvəsini fəth etməyə müvəffəq olub ki, Əmin Dehqan da onların arasında olub.
İSNA-nın məlumatına görə, Əmin Dehqan 2019-cu ilin payızında Himalayın 8 min metrdən çox hündürlüyü olan zirvələrindən biri kimi, Manaslu zirvəsini fəth edən iranlı alpinistdir. O, elə həmin il Everestə qalxmağı qarşısına məqsəd qoyur və bu milli xəyalı gerçəkləşdirmək üçün rəsmilərdən maddi dəstək tələb edir və nəhayət cari ilin aprel ayında dünyanın ən hündür damına ayaq basmaq üçün Everestə doğru yola düşür və buna da nail olur.
