Argentina üçqat dünya çempionu oldu
Dek 19, 2022 13:12 Asia/Baku
Qətərdə keçirilən futbol üzrə dünya çempionatı Argentina millisi və onun kapitanı Lionel Messinin çempionluğu ilə başa çatdı.
SəhərAzəri-nin məlumatına əsasən, Argentina millisi bazar günü finalda bərabər və həyacanlı bir oyunda Fransanı məğlub edərək üçqat dünya çempionu oldu.
Penaltilər seriyasında Fransadan daha parlaq çıxış edən Messinin komanda yoldaşları Deşamı üçüncü çempionluğu qazanmaq arzusundan məhrum etdilər.
Qarşılaşmanın əsas vaxtı 2- 2 hesabı və əlavə vaxtlar 3-3 hesabı ilə başa çatdı. Penaltilər seriyasında rəqibi üzərində 4-2 hesablı üstünlüyə malik Argentina çempionu oldu.
Qeyd edək ki, Cənubi Amerika təmsilçisi daha əvvəl 1978 və 1986-cı illərdə dünya kubokunu qazanıb.
