İranın milli futbol komandası Suriya komandasını məğlub edərək, Asiya Millətlər Kubokunun 1/4 final mərhələsinə yüksəldi.

Çərşənbə günü axşam Qətərin paytaxtı Dohadakı Abdullah bin Xəlifə stadionu Futbol üzrə Asiya Kubokunun 1/8 final mərhələsi çərçivəsində Suriya və İran milli komandaları arasında keçirilən oyuna şahidlik etdi. .

Oyunun birinci hissəsində Mehdi Taremi 35-ci dəqiqədə penalti zərbəsindən qol vuraraq, komandasını önə keçirdi, amma ikinci hissədə suriyalı Ömər Xribin penalti zərbəsi ilə hesabı bərabərləşdirdi. 

Taremi matçda 90-cı dəqiqədə ikinci sarı vərəqə alaraq, meydandan qovuldu.

Görüşün normal və əlavə vaxtlarında tərəflər 1-1 hesablı heç-heçə etdikdən sonra İran Suriyaya qarşı penaltilər seriyasında qalib gəldi.

İran fevralın 3-də turnirin 1/4 finalında Yaponiya ilə qarşılaşacaq.