«Esteqlal» «Ələhli»ni darmadağın etdi
İranın «Esteqlal» futbol klubu cümə gününün ilk saatlarında Asiya Çempionlar Liqasındakı ilk addımında Ərəbistanın «Ələhli» klubunu beş qolla darmadağın edə bilib.
SəhərAzəri xəbər verir ki, İranın «Esteqlal» futbol klubu Asiya Çempionlar Liqasının «C» qrupundakı ilk oyununda cümə günü saat 00:45 dəqiqədə Ciddə şəhərinin Kral Abdullah adına idman kompleksinin iki nömrəli stadionunda Ərəbistanın «Ələhli» klubu ilə görüşüb. Sonda İranın layiqli nümayəndəsi öz rəqibini beş-iki hesabı ilə məğlub etməyə müvəffəq olub.
Fərşid Esmaili altıncı, Mohəmməd Naderi 55-ci, Məhdi Qaedi 67 və 86-cı, Şeyx Diabate isə 89-cu dəqiqələrdə «Esteqlal» üçün qol vurublar.
Görüşə İordaniyadan olan Əhməd Fəysəl hakimlik edib. Əhməd Munis və Muhəmməd Bikar hakimin köməkçiləri qismində çıxış ediblər.
İranın «Esteqlal» futbol klubu gələn bazar günü Asiya Çempionlar Liqasının qrup mərhələsindəki ikinci görüşündə Qətərin Əldəhil komandası ilə görüşəcək.
Qeyd etmək lazımdır ki, aprelin 14-də İranın Asiya Çempionlar Liqasındakı digər nümayəndələri rəqibləri ilə görüşüblər. Həmin görüşlərdə Perspolis bir qolla əmirliklərdən olan rəqibini məğlub edib. Trakotor klubu Özbəkistanın Paxtakor komandası ilə 3-3, İranın Xuzistan vilayətinin Fulad komandası isə Qətərin güclü Əlsəd komandası 1-1 hesabı ilə bərabərə qalıblar.
