Yunan-roma güləşi üzrə 67 kq. çəki dərəcəsində iranlı güləşçi Məhəmmədrza Gerayi Tokio-2020 Yay Olimpiya Oyunlarının çempionu adını qazandı.

SəhərAzəri-nin məlumatına əsasən, Gerayi bu güləşdə 10-1 hesabı ilə ukraynalı rəqibini məğlub edərək, olimpiya çempionu oldu. O, iranlı atıcı Cavad Furuğidən sonra İranın ikinci olimpiya qızıl medalçısıdır.

Qeyd edək ki, 86 kiloqram çəki dərəcəsində güləşən İranın sərbəst güləşçisi Həsən Yəzdani də yarım final mərhələsində Rusiyadan Artur Nayfonovu 7-1 hesabı ilə məğlub edərək, ikinci dəfə olaraq, olimpiya oyunlarının final mərhələsinə yüksəlib . O, finalda amerikalı güləşçi David Teylor ilə mübarizə aparacaq.