SAHAR

İraqın ordusu və xalq qüvvələri Ələnbar vilayətində bu vilayətin mərkəzi sayılan Ərrəmadi şəhərinə doğru irəliləməkdədirlər.

Əliraqiyyə telekanalının məlumatına görə, İraq Müdafiə Nazirliyinin Hərbi Təbliğat Qərargahı bildirib ki, Ələnbar vilayətinin Əlbəğdadi bölgəsinin Əlmusərbə məntəqəsində on dörd terrorçu öldürülüb və İraq qüvvələrinin xüsusi əməliyyatında bir minomyot və iki zirehli avtomobil məhv edilib.
Həmçinin İŞİD-in Əlbuəysə məntəqəsinə, Əlbufərac magistral yoluna və Əlşəraiki istiqamətinə qarşı hücumu uğursuz qalıb və iki zirehli avtomobil və on beş İŞİD üzvü öldürülüb.
İraqın terrorizmlə mübarizə polisi də bildirib ki, Ərrəmadinin qərbindəki olimpiya kompleksinin nəzarəti İŞİD terrorçularının nəzarətindən çıxarılıb.
Digər tərəfdən, İraq ordusunun Bağdaddakı əməliyyat komandanlığı bildirib ki, iraqlı qüvvələrin əməliyyatında altı terrorçu öldürülüb və onların beş zirehli avtomobili məhv edilibdir.
Həmçinin Bağdadın terrorizmlə mübarizə polisi xüsusi bir əməliyyatda Bağdadın cənubunda bir silah anbarı, intihar qurşaqları, partlayıcı maddələr və mərmi aşkarlayaraq, onları müsadirə edibdir.
Həmçinin İraq ordusunun qırıcıları onların nəzarəti altında olan məntəqələrdə terrorçu ünsürlərdən asılı olan avtomobillər məcmuəsini hədəfə alaraq, onların hamısını aradan götürüblər.