SAHAR

Suriya ordusu qüvvələri bu ölkənin şimal və şərqində irəliləyərək çoxlu sayda terrorçunu məhv ediblər.

Səhər Beynəlxalq Televiziyasının məlumatına görə, Suriya ordusu qüvvələri Hələbin ətrafında və Deyruz-Zurda terrorçulara qarşı əməliyyatı davam etdirib və çoxlu sayda terrorçunu öldürüb və yaralayıblar.
Məlumata görə, Suriya ordusu Hələbin əl-Səfirə məntəqəsinin şimal-şərqində yerləşən əl-Cənayn bölgəsində İŞİD terror qruplaşmasının hücumu qarşısında müqavimət göstərərək onlarla terrorçunu öldürüb və yaralayıb.
Bu hücumlarda İŞİD terror qruplaşmasının təchizatı və silah-sursatına ciddi şəkildə xəsarət vurulub.
Suriya ordusu həmçinin İŞİD-in Deyruz-Zur hərbi bazasının ətrafında bomba quraşdırılmış avtomobil hücumunu zərərsizləşdirib və bu avtomobil məqsədə çatmazdan öncə partladılıb.
Əl-Aləm telekanalı Suriya ordusu qüvvələrinin xüsusi kadrlarını yayımlayıb. Kadrlarda müşahidə olunur ki, Suriya qüvvələri Deyruz-Zurda Fərat çayı kənarında əl-Hüseyniyyə kəndləri yaxınlığında yerləşən əl-Həvicə məntəqəsinin tunelləri və səngərlərində terrorçu ünsürlərlə toqquşublar.
Suriya ordusu həmçinin Deyruz-Zur şəhərinin əl-Siyasiyyə körpüsünə doğru irəliləyib və İŞİD-in şəhər daxilinə yeganə tədarük yolunu kəsməyə çalışır.
Bu arada Rusiya qırıcı bombardmançı təyyarələri də Suriyanın Deyruz-Zur və digər bölgələrində İŞİD terror qruplaşmasının toplaşdığı məkanlar və bazalarını hədəfə alıblar. Bu hücumlar nəticəsində çoxlu sayda terrorçu öldürülüb və yaralanıb.
Livanın əl-Nəşrə xəbər portalı da bildirib: Ötən bir ay ərzində Suriyada 55 təkfirçi terror başçısı öldürülüb.