Türkiyə prezidenti Ankara və Moskva arasında yaranan gərginliyin iki ölkənin enerji sahəsindəki əməkdaşlığına təsir buraxmadığını deyib.

Zaman qəzeti öz internet səhifəsində yazır: Rəcəb Təyyib Ərdoğan şənbə günü Türkiyəli iş adamları qarşısında etdiyi çıxışı zamanı deyib: Rusiya ilə münasibətlərdə yaranmış gərginliyin Rusiyadan Türkiyəyə qaz nəqli və ya Türkiyənin "Akkuyu" adlı ilk atom elektrik stansiyasının quraşdırılması üzrə layihələrin icrasına təsir buraxmasına dəlalət edən hansısa fakt yoxdur.
Ərdoğan daha sonra deyib: Rusiya rəsmilərinin açıqlamalarına rəğmən "Türkiş Strim" qaz boru kəməri layihəsinin icrası ilə bağlı danışıqlar Rusiya tərəfindən deyil, Türkiyə tərəfindən dayandırılıb.