Mosul əməliyyatı başlandığından 910 İŞİD-çi məhv edilib
-
Mosul əməliyyatından bəri 910 İŞİD-çi məhv edilib
İraqın Müdafiə Nazirliyi Mosulun azad edilməsi əməliyyatına start veriləndən bəri İŞİD-in 910 terrorçu üzvünün öldürülməsindən xəbər verib.
Mehr informasiya agentliyinin verdiyi məlumata görə, İraqın MN-i dünən bir bəyanat yayaraq bildirib ki, Mosulun azad edilməsi əməliyyatında yüzlərlə təkfirçi terrorçu İŞİD üzvü öldürülüb.
Bu məlumata görə, Mosulun azad edilməsi əməliyyatının başlandığı gündən İraq qüvvələri ilə toqquşmalarda 910 İŞİD terrorçusu öldürülüb, öldürülənlərin 480 nəfəri Suriya vətəndaşı olub.
Bəyanatda deyilir: Mosulun azad edilməsi əməliyyatı çərçivəsində ötən iki həftə ərzində 40-dan çox bomba zərərsizləşdirilib, İŞİD terrorçularına məxsus 115 avtomobil, 170 qərargah və 18 hava hücumundan müdafiə tankı məhv edilib.
İraq rəsmiləri terrorçuların Suriya ilə İraq arasında yerdəyişmələri ehtimalı barədə bəri başdan xəbərdarlıq etmişdi.
