SAHAR

İraqın xalq səfərbər qüvvələri Mosulun qərbində terrorçu İŞİD qrupunun bir karvanını məhv ediblər.

İRNA-nın verdiyi məlumata görə, İraqın xalq səfərbər qüvvələri bu gün Neynəva vilayətinin mərkəzi olan Mosul şəhərinin qərbində hərbi texnikadan ibarət olan terrorçu İŞİD qrupunun bir karvanını məhv edə və bütün üzvlərini öldürə biliblər. 

İraq xalq səfərbər qüvvələri dünən də Mosulun qərbində başlatdıqları əməliyyatların davamında 4 kəndi İŞİD-in işğalından azad ediblər. 

Bu qüvvələr həm də Tələfərə gedən bir neçə şosse yolunu öz nəzarətlərinə alıblar. 

Mosulun şərqində də bəzi ərazilər İŞİD terrorçularından təmizlənib və əhali adi həyatını başladıb. 

İraqlı qüvvələr Mosulun şərqində də bir neçə yaşayış məntəqəsini terrorçuların nəzarətindən çıxarıblar.