İraqın baş naziri və İraq silahlı qüvvələrinin ali baş komandanı İraqda müharibənin və İŞİD terrorizmi üzərində qələbənin ölkənin şimalına yerləşən Mosulda yekunlaşacağını deyib.

İRNA-nın məlumatına görə, Heydər Əl-İbadi şənbə günü axşam saatlarında Danimarkanın baş naziri Lars Luka Rasmusen ilə Bağdadda baş tutan görüşünün ardınca deyib: İraq indi terrorçular üzərində qələbə çalmaq üçün elə bir müharibəyə daxil olub ki, onun sonu Mosulda olacaq. 

Əl-İbadi iraqlı qüvvələrin terrorçular ilə savaşda əldə etdikləri uğurlara işarə edərək, bir çox ərazini terrorçulardan təmizləyən bu qüvvələrin İraq vətəndaşlarının dəstəyi ilə terrorizmi məhv etməyə qadir olduğunu deyib.