İraqın xüsusi təyinatlı anti-terror qüvvələrinin sözçüsü Səbah Əlniman bildirib ki, bu ölkə qüvvələri Həzrət Yunis(ə)-ın məqbərəsinin yerləşdiyi məntəqəni azad ediblər.

IRNA-nın məlumatına görə, 2014-cü ilin iyulunda İŞİD terrorçuları Mosulun işğalından bir neçə həftə sonra Həzrət Yunis(ə)-ın məqbərəsini dinamitlə dağıtdılar ki, İŞİD-in bu vəhşicəsinə hərəkəti bütün dünyada hiddət və nifrət dalğasına səbəb oldu.

Mosulda qədim bir kilsənin ərazisində tikilmiş Həzrət Yunis(ə)-ın məqbərəsi müsəlmanlardan əlavə, yəhudilər və xristianlar tərəfindən də hörmətlə qarşılanır.

İraqlı qüvvələr həmçinin Mosulun azad edilməsi əməliyyatının davamında bu şəhərin şimalındakı Əlhədbaa məntəqəsində İŞİD-in pilotsuz təyyarəqayırma emalatxanasını aşkarlayıblar.