İsrailin Ramun zindanında, zindan gözətçiləri bazar ertəsi günü fələstinli qadın məhbuslara hücum ediblər.

Fələstin informasiya mərkəzinin verdiyi məlumata görə, Fələstinli Əsirləri Himayə Mərkəzi bir bəyanat yayaraq, bildirib: İsrailin Ramun zindanında bir qrup zindan gözətçisi dəyənək və gözyaşardıcı qazdan istifadə edərək, fələstinli qadın əsirlərə hücum ediblər. 

Fələstinin Əsirlər və Azadələr Təşkilatı da bildirib ki, may ayında 8 fələstinli qadının həbs edilməsi ilə İsrail zindanlarında saxlanılan fələstinli qadın əsirlərin sayı 59 nəfərə çatıb. 

Hazırda İsrail zindanlarında saxlanılan fələstinli əsirlərin sayının 7000 nəfər olduğu təxmin edilir. Bu əsirlərin 59-u qadın, 350-si uşaq və bir neçəsi də millət vəkilidir. 500 fələstinli isə müvəqqəti təcridxanada saxlanılır.