İordaniya xalqı və bu ölkə rəsmiləri o cümlədən Parlament sədri və üzvləri cümə günü Əmmanda, ABŞ səfirliyinin yaxınlığında aksiya keçirərək, Trampın Fələstin əleyhinə qərarına etiraz ediblər.

ABŞ prezidenti Donald Trampın Qüdsü sionist rejimin paytaxtı olaraq tanımasının ardınca bir çox ölkə xalqları onun bu qərarına etiraz ediblər. 

İSNA xəbər agentliyinin verdiyi məlumata görə, Əmmanda keçirilən etiraz aksiyasında Ərəbistanın vəliəhdi Məhəmməd bin Salman və ABŞ prezidenti Donald Tramp əleyhinə şüarlar veriblər. 

Bu ilk dəfədir ki, İordaniya xalqı Ərəbistan əleyhinə şüarlar verir. Bununla da onlar, Ərəbistanın Trampın son qərarını dəstəkləmək üzrə mövqeyindən agah olduqlarını bildiriblər.