SAHAR

Bəhreynin Milli Əl-Vifaq İslami Cəmiyyəti Ali-Səud rejiminin bu ölkə vətəndaşlarının vətəndaşlığının ləğv edilməsini insanlığa zidd hərəkət adlandırıb.

Ali-Xəlifə məhkəməsi son günlər ərzində Bəhreyn şiələrinin tanınmış ruhanisi Şeyx İsa Qasimin vətəndaşlığının ləğvinə dair hökmü yenidən təsdiqləyib və 10 başqa vətəndaşın vətəndaşlıq hüququndan məhrum edilməsinə dair etirazlarını rədd edib. İndiyədək 4 bəhreynli ölkədən qovulub. 

Rəsa xəbər agentliyinin verdiyi məlumata görə, Bəhreynin Əl-Vifaq cəmiyyəti dünən bir müraciətdə bəhreynlilərin vətəndaşlığının ləğv edilməsi hallarının artmasına toxunaraq bildirib: Vətəndaşların ölkədən surgün edilməsi insanlığa zidd hərəkətdir və zülm siyasəti çərçivəsində insan haqlarına qarşıdır. 

Sözü gedən cəmiyyət bu siyasətin Ali-Xəlifə rejiminin istibdadından mənşə aldığını bildirərək xatırladır: Son həftə ərzində bir neçə vətəndaş ölkədən qovulub və bundan əlavə qarşıdakı günlərdə də başqa bir neçə bəhreynli sürgün ediləcək. 

Əl-Vifaq Ali-Xəlifə rejiminin zalım hərəkətlərinin, xalq inqilabına reaksiya xarakteri daşıdığını bildirərək beynəlxalq ictimaiyyəti bu kimi rasist və qeyri-insani hərəkəti dayandırmağa və bu kimi cinayətə susmamağa çağırıb. 

Başqa məlumata görə Bəhreynin cinayət məhkəməsi tanınmış ruhani Məhəmməd Salih Əl-Qəşəminin iki övladına qarşı 5 və 15 il həbs cəzası çıxarıb. Bu bacı-qardaş bir ildir ki həbsxanada saxlanılırdı.