Suriyanın Duma şəhərində silah və sursat aşkar edilib
Apr 18, 2018 12:35 Asia/Baku
Suriyanın dövlət qüvvələri paytaxt Dəməşqin ətrafında yerləşən Şərqi Qutə məntəqəsində terrorçuların işğalından yenicə azad edilmiş Duma şəhərində Qərb istehsalı olan külli miqdarda silah və hərbi sursat aşkar ediblər.
İRİB-nin verdiyi məlumata görə, bu silahlar və hərbi sursat müxtəlif növlü "Qrad" tipli roketlər, "Katyuşa" roketləri, zireh əleyhinə roketlər və roket atmaq üçün platformalardan ibarətdir.
Suriyanın Əl-Əxbariyə informsiya kanalı isə terrorçular tərəfindən Duma şəhərində qazılmış böyük bir tunel şəbəkəsinin aşkar edilməsindən xəbər verib. 20 metr dərinlikdə yerləşən bu tunellərdə yük maşınları asanlıqla hərəkət edə bilirlər.
