Suriya ordusu Deyrəzzur vilayətinin şərq hissəsini terrorçulardan təmizlədikdən sonra, bu məntəqədə sabitlik və təhlükəsizlik bərqərar olub.

Suriyanın dövlət xəbər agentliyinin verdiyi məlumata görə, Suriya ordusu cümə günü Deyrəzzurda İŞİD terrorçularına qarşı hərbi əməliyyatlar zamanı çoxlu sayda terrorçunu məhv edib. 

Suriya ordusu həmçinin, Əl-Məyadin şəhərinin qərbində, 2 min kilometrlik səhralıq ərazini terrorçulardan təmizləyib. Bu əməliyyat zamanı terrorçular tərəfindən quraşdırılmış onlarla partlayıcı qurğu və mina aşkar edilib.