Yəmən Ali İnqilab Komitəsinin sədri deyib ki, beynəlxalq təşkilatlar Yəmən xəstəxanalarının lazım olan vəsaitlərlə təchiz edilmələrinin dayandırılmasında məsuliyyət daşıyırlar.

Yəmən Ali İnqilab Komitəsinin sədri Muhəmməd Əli Əlhusi əlavə edib: Beynəlxalq təşkilatlar Yəmənin paytaxtı Sənadakı xəstəxanalardan bac istəyirlər.

Əlhusi beynəlxalq təşkilatların Səna xəstəxanalarından bac istəmələrini yeni bir cinayət adlandırıb və bu sahədə təsirli addımların atılmasını istəyibdir.

Belə bir halda, BMT-nin humanitar məsələlər ofisi xəbərdarlıq edibdir ki, Yəmən ən pis insani böhranla üz-üzədir və 24 milyon Yəmən vətəndaşı yardıma və ya dəstəyə ehtiyaclıdır.

YUNİSEF-in Yaxın Şərq və Şimali Afrika üzrə şöbə müdiri Xeyrət Kabalari də son zamanlar bildiribdir ki, yəmənli uşaqların durumu 2018-ci ilin dekabrında əldə olunmuş İsveç razılaşmasından sonra o qədər də dəyişməyibdir və hər gün orta hesabla səkkiz yəmənli uşaq ölür və ya yaralanır.