Səudiyyə Ərəbistanı Prokurorluğu səudiyyəli tənqidçi jurnalist Camal Qaşıqçının qətlində təqsirləndirilən 5 nəfəri edama məhküm edib.

İRNA-nın məlumatına görə, Ərəbistan məhkəməsi bazar ertəsi günü ittiham olunan digər üç nəfəri də 24 ilədək uzunmüddətli həbslərə məhküm edib.

Səudiyyəli tənqidçi jurnalist Camal Qaşıqçı 2018-ci il oktyabrın 2-də Türkiyənin İstanbul şəhərində yerləşən Səudiyyə Ərəbistanının konsulluğuna müraciət etdikdən sonra oğurlanıb və qətlə yetirilib.

Türkiyə hökuməti tərəfindən yayılan məruzələrə əsasən, bu müxalif jurnalist Səudiyyə vəliəhdi Məhəmməd bin Salmanın birbaşa göstərişi ilə qətlə yetirilib.