Xəlifə Həftərin komandanlıq etdiyi " Liviyanın Milli Ordusu" adlandırılan qüvvələrdən 10 nəfəri Liviya paytaxtı Tripolidə gedən toqquşmalarda öldürülüb.

İRNA-nın verdiyi məlumata görə, bu toqquşmalarda Həftərin qüvvələrinə aid olan 12 zirehli maşın da məhv edilib. 

Xəlifə Həftərin başçılıq etdiyi qrup illərdir Səudiyyə Ərəbistanı, Misir, Birləşmiş Ərəb Əmirlikləri və bəzi qərb dövlətlərinin dəstəyi ilə Liviyanın şərqini nəzarətdə saxlayır. Son aylarda bu qüvvələr ölkənin şimalına doğru irəliləyib. Həftər cari milad ili 4 apreldə öz nəzarətində olna hərbçilərə paytaxta doğru hücuma keçmək əmri verdi. 

Həftərin bu hərəkəti beynəlxalq ictimaiyyət tərəfindən pislənilib. 

Bu hücumlara başlanmasından bəri 1090 nəfər Tripolidə həlak olub və ən azı 5700 nəfər yaralanıb.