30 fələstinli məhbus sionist rejimin Ofer həbsxanasından azad edilib
Sionist rejimlə HƏMAS arasında atəşkəs və əsirlərin mübadiləsi razılaşması çərçivəsində çərşənbə axşamı 30 fələstinli məhbus sionist rejimin Ofer həbsxanasından azad edilib.
"İran Press"in məlumatına görə, Sionist rejimin həbsxana xidməti də 15-i qadın və 15-i azyaşlı uşaq olmaqla 30 fələstinlinin İsrail həbsxanalarından azad edildiyini təsdiqləyib.
Bildirilir ki, fələstinli məhbusları daşıyan avtobus çərşənbə axşamı axşam saatlarında İordan çayının qərb sahilində Ramallah şəhəri yaxınlığında yerləşən İsrailin Ofer həbsxanasından yola düşüb və Beytunia qəsəbəsinə daxil olub.
Bu insanlar beşinci fələstinli məhbuslar qrupu çərçivəsində Qəzzədə israilli məhbusların azad edilməsi müqabilində azadlığa buraxılıblar.
İsrail rejimi ilə HƏMAS arasında çərşənbə axşamı səhər saatlarında başa çatmalı olan humanitar 4 günlük atəşkəs daha iki gün uzadılıb.
