Rusiya günahkar kimi Aİ-yi göstərdi
Kirillov: Aİ liderləri Ukrayna münaqişəsini uzatmağa çalışırlar
Rusiya Birbaşa İnvestisiya Fondunun baş direktoru Kirill Dmitriyev vurğulayıb ki, Avropa İttifaqı real sülh prosesini sabotaj etməyi dayandırmalıdır.
Rusiyalı rəsmi deyib: “Hətta Vaşinqton da görür ki, Aİ liderləri Ukraynadakı münaqişəni qeyri-mümkün tələblərlə uzadır. Ona görə də Aİ yalan hekayələri deyil, diplomatiyanı seçməlidir”.
Bundan əvvəl Axios xəbər saytı xəbər vermişdi ki, Ağ Ev rəsmiləri Ukrayna məsələsində Avropa liderlərinə qarşı səbrlərini itirirlər. Üstəlik, Trampın köməkçiləri günahı Rusiya prezidenti Vladimir Putində deyil, Avropa müttəfiqlərində axtarırlar.
Rusiya və ABŞ prezidentləri avqustun 15-də Alyaskada görüş keçiriblər.
Avqustun 18-də isə Tramp Vaşinqtonda Vladimir Zelenski və Avropa liderləri ilə görüşüb. O sonra Rusiya prezidenti Vladimir Putinə zəng edib. Kremlin köməkçisi Yuri Uşakovun sözlərinə görə, iki lider Moskva və Kiyev arasında birbaşa danışıqların davam etdirilməsinin lehinə danışıb və nümayəndə heyətlərinin səviyyəsinin artırılması imkanlarını müzakirə ediblər.
