SAHAR

Rusiyanın Fövqəladə Hallar Nazirliyi Yəmənə iki humanitar yardım təyyarəsi göndərib.

Səhər Beynəlxalq Televiziyasının İRNA-ya istinadla verdiyi məlumata görə, humanitar yardımlar aparan 2 İlyuşin-76 təyyarəsi çərşənbə günü Səna aeroportuna eniş edib. Təyyarələr ümumilikdə 46 ton ərzaq maddəsini Yəmənə çatdırıblar.
Rusiyanın Fövqəladə Hallar Nazirliyi humanitar yardımın göndərilməsinə dair Yəmənin müvəqqəti hökumətinin Rusiyaya rəsmi müraciəti əsasında bu yükləri Yəmənə göndərib.
Məlumata görə, Yəmənə humanitar yardımlar aparan bu iki təyyarə 118 Rusiya və xarici ölkə vətəndaşını Yəməndən çıxarıb.