SAHAR

Terrorçu İŞİD qruplaşması İraqda törətdiyi cinayətlərinin davamında bu ölkə vətəndaşlarından onlarla nəfərini, qrupun qanun və əmrlərinə tabe olmadığı üçün edam edib.

Asiya Xəbər Agentliyinin məlumatına əsasən İraqın şimalı Mosulda , Kürdüstan Demokratik Partiyasının məsul şəxsi Səid Məmuzini qeyd edib: İŞİD İraqda 10 mülkini həbs etdikdən sonra Bab Əl-tub məntəqəsində onları ailə üzvləri qarşısında edam edib.
Məmuzini Mosulda terrorçu İŞİD-in əməllərinə qarşı əhalinin etirazının çoxalmasına işarə edərək xatırladıb: Bu terrorçu qrup müxalif insanları edam etməklə əhali arasında qorxu və dəhşət yaratmağa səy göstərir.
Əl-Ənbar vilayətinin yerli qaynaqlarından biri də bir bəyanatda bildirib: Terrorçu İŞİD qruplaşması 3 mülki insanı və İraqın seçki komissiyasının sabiq üzvlərindən iki nəfərini bu ölkənin təhlükəsizlik qüvvələri ilə əməkdaşlıq etməkdə suçlayaraq həmin 5 nəfəri Fəllucə şəhərinin əsas meydanlarından birində edam edib.
Tikritin təhlükəsizlik qaynaqlarından biri də bildirib: Terrorçu təkfirçilər Bəacə kəndində 4 gənci həbs edib və daha 4 nəfəri də İraqın təhlükəsizlik qüvvələri ilə əməkdaşlıqda suçlayaraq Əl-Şərqat-ın yaxınlığında edam ediblər.
İŞİD ünsürləri iraqlı gəncləri ümumi məkanda asdıqdan sonra onların cəsədlərini ailələrinə təhvil verməyiblər.
İraqın müdafiə naziri Xalid Əl-Əbidi-nin dediklərinə görə təkfirçi İŞİD qruplaşmasının ünsürləri Neynəvanı ələ keçirdikləri gündən bəri iki min yetmiş nəfəri bu vilayətdə edam ediblər.