SAHAR

Yəmən mənbələri Səudiyyə Ərəbistanının Qırmızı dənizdə bu ölkənin iki adasına hücumunda yüz nəfərin həlak olduğunu bildiriblər.

Səhər Beynəlxalq Televiziyasının Yəmənin Street xəbər portalına istinadla verdiyi məlumata görə, Səudiyyə Ərəbistanı qırıcı təyyarələri və hərbi helikopterlər hərbi gəmilərlə birlikdə ötən 2 sutka ərzində Qırmızı dənizdə Əqban və Kədman adalarında yəmənli balıqçıları hədəfə alıblar. Nəticədə yüz nəfər həlak olub və onlarla nəfər də yaralanıb.
Səudiyyə Ərəbistanının başçılıq etdiyi ərəb koalisiyasının qırıcı təyyarələri bu hücumda xilasedicilərin yaralılara yardım göstərməsinə mane olublar.
Livanın əl-Məyadin telekanalı da bildirib: Səudiyyə Ərəbistanı qırıcı təyyarələrinin Yəmən paytaxtı Səna şəhərində Bəni Həşiş məntəqəsinə hücumlarının davamında ən azı üç nəfər həlak olub.
Bu arada Səudiyyə rejiminin Yəmənin Həccə vilayətində Heyran şəhərciyini bazarına hava hücumları nəticəsində onlarla nəfər həlak olub və yaralanıb.
Bu hücumlarda həmçinin Heyran şəhərciyinin ticarət binalarına çoxlu xəsarətlər dəyib.
Ötən gün də səudiyyə qırıcı təyyarələrinin Heyran şəhərciyinə hücumlarında 2 nəfər həlak olmuş və bir neçə nəfər də yaralanmışdı.
Hirz, Midi, Məzrəq, Müsəlləs və Xəmis bazarları da bundan öncə Ərəbistanın hava hücumlarına məruz qalıblar.