Türkiyə prezidenti bu ölkə hərbçilərinin İraqın istəyi əsasında 2014-cü ildən bu ölkənin şimalında yerləşən bir hərbi bazada olduqlarını bildirib.

Röyters-in məlumatına görə, Rəcəb Təyyib Ərdoğan deyib: İraqın baş naziri Heydər əl-İbadi iraqlı hərbçilərə təlimlərin keçilməsini istəmişdi və Ankara da onun bu istəyinə cavab olaraq 2014-cü ildə Başika məntəqəsində hərbi düşərgə yaradıb.

Ərdoğan İraq baş nazirinin, regionda cərəyan edən hadisələrə görə, indiyə qədər bu barədə danışmadığını qeyd edib.

Şənbə günü İraqın Xarici İşlər Nazirliyi Türkiyənin Bağdaddakı səfirini çağırtdırıb və Türkiyə hərbçilərinin İraqın şimalından xüsusi ilə də, Mosul şəhərinin yaxınlığında yerləşən Başika məntəqəsindən çıxarılmasını istəyib.