İraq ordusu və xalq könüllü qüvvələrinin ölkənin qərbində terrorçuların mövqelərinə ağır hücumları nəticəsində onlarla İŞİD terrorçusu Suriya sərhədlərinə doğru qaçıblar.

İraqın əl-Fərat xəbər portalının məlumatına görə, əl-Anbar vilayətinin Hit şəhərinin cənubunda əl-Xusə və əl-Məştəl kəndlərinin terrorçulardan azad olunması ilə, onlarla İŞİD terroçusu Suriya sərhədlərinə doğru qaçıblar.

Bildirilir ki, İŞİD ünsürləri Ər-Rəmadinin qərbində əl-Bağdadi adasından Suriyanın sərhəd şəhəri əl-Qaim şəhərinə doğru qaçıblar.

Həmçinin İraq ordusunun Hərbi Hava Qüvvələrinin Ər-Rəmadinin şimalında terrorçuların gizli məkanına hücumunda 20-dən çox terrorçu öldürülüb.

İraq təhlükəsizlik qüvvələri əl-Anbar vilayətində İŞİD-in bir uçan pilotsuz aparatını vurublar.

Əl-Anbar Əməliyyat Komandanı İsmayıl əl-Məhlavi deyib: Bu, ötən iki gün ərzində əl-Anbar vilayətində vurulan İŞİD-in ikinci uçan pilotsuz aparatıdır.

Digər tərəfdən İraqın xalq könüllü qüvvələri Bicinin cənubunda İŞİD üzvlərinin yerləşdiyi məkanı nəzarətə götürüblər.

Neynəva vilayətinin mərkəzində Mosulda da 30 İŞİD terrorçusu, o cümlədən iki terror başçısı Hərbi Hava Qüvvələrinin hücumunda öldürülüb.

İŞİD terrorçuları 2014-cü il iyun ayından İraqın bəzi bölgələrini işğal edərək bir çox cinayətlər törətmişlər.