Qərb sahilində Ramullahın şimalında yanğın
Sionist rejimin işğal olunmuş ərazilərin mərkəzi və şimalında irimiqyaslı yanğından aciz qaldığı bir halda, Ramullah şəhərinin şimalında da yanğın baş verib.
İRNA-nın məlumatına görə, İordan çayının qərb sahilində Ramullah şəhərinin şimalında, Nəbi Saleh kəndi yaxınlığında Həlmiş sionist qəsəbəsində yanğının baş verməsi ardınca, bu bölgənin elektrik şəbəkəsi də yanğına məruz qalıb və Həlmiş qəsəbəsi yaxınlığındakı Nəbi Saleh, Kəfər Eyn, Beyt Rima, Deyr əl-Sovdan, Ümm Səfa və Deyr Nizam kəndlərinin elektriki kəsilib.
Yanğın Həlmiş bölgəsində sionistlərin mənzillərini bürüyüb və onlarla mənzil tamamilə məhv olub.
Çərşənbə gecədən işğal olunmuş Fələstinin şimalında yerləşən əl-Cəlil bölgəsində genişmiqyaslı yanğın baş verib. Sionist rejimin yanğınsöndürmə üzrə məsullarının dediyinə görə, yanğının söndürülməsi üzrə çevik reaksiya qüvvələrinin acizliyi bu yanğının genişlənməsinə səbəb olub.
İşğal olunmuş Fələstinin şimal bölgələrində yanğının baş verməsi ardınca, sionist rejim polisi cümə günü qəsdən yanğın törətmək ittihamı ilə 12 nəfərin həbs olunduğunu bildirib.
