Yəmən İnqilabı Ali Komitəsi bildirib ki, Amerika hərbi təyyarələrinin dünən gecə Beyza vilayətinin Qeyfə bölgəsinə qarşı təcavüzkar hücumunda 5 mülki, o sıradan 2 uşaq ölüb.

Əl-Aləm telekanalının verdiyi məlumata görə, Yəmən İnqilabının Ali Komitəsinin sədri Məhəmmədəli Əl-Husi  dünən gecə bir bəyanat yayaraq ABŞ hərbi təyyarələrinin Əl-Bəyza, Əbin və Şəbuh vilayətlərinə qarşı, Əl-Qaidə üzvləri ilə mübarizə adı altında həyata keçirdiyi hava hücumlarını pisləyərək deyib: Bu hücumlar Yəməni suverenliyinə qarşı hərəkət və aşkar təcavüzdür. 

Əl-Husi Yəmənin cənub vilayətlərində fəaliyyət göstərən Əl-Qaidə terrorçularının əsas himayədarlarının Amerika və Səudiyyə təcavüzkarları olduğunu vurğulayaraq onlardan Yəmənə qarşı təcavüzlərinə son qoymalarını istəyib.