SAHAR

İraq mediaları İŞİD-in Mosulun qərbində yerləşən Əş-Şəfa məhəlləsinə raket zərbələri endirməsinin ardınca 30 nəfərin həlak olmasından xəbər veriblər.

Təsnim xəbər agentliyinin verdiyi məlumata görə, İŞİD terrorçuları "Katyuşa" raketlərindən istifadə edərək, Əş-Şəfa məhəlləsini tərk etməyə çalışan mülki əhalini hədəfə alıblar. 

İŞİD terrorçuları hazırda Mosulun Əş-Şəfa və şəhərin qədim hissəsində yerləşərək, mülki əhalinin bu məntəqələrdən çıxmasına icazə vermirlər. 

İraqlı qüvvələr dünən Mosulun qərb hissəsinin azad edilməsi əməliyyatında Zəncəbili məhəlləsini terrorçulardan təmizləyiblər.